Daniel Vega pon en valor que o Goberno de Feijóo cumpre “a palabra dada” coas infraestruturas de Ribadeo

O voceiro do PP e deputado no Parlamento supervisou o remate dos traballos executados na LU-133 e na que o Goberno de Feijóo investiu máis de 52.000 euros

462d7ee5fd2e7d407bf84dd4b7e111d8.jpg

PP de Lugo | 2019-10-03

3, outubro, 2019. O voceiro do PP en Ribadeo, Daniel Vega, vén de comprobar o remate das obras de mellora que a Xunta de Galicia executou na estrada LU-133 en San Vicente de Covelas. Concretamente, e cun investimento de preto de 52.000 euros, os traballos realizados pola Consellería de Infraestruturas e Mobilidade circunscríbense ao treito quilométrico que vai dende o punto 14,300 ao 17,300, e incluíron o fresado nas partes da calzada co firme máis deteriorado.

 

O tamén parlamentario popular pon en valor así o esforzo e compromiso da administración autonómica coas infraestruturas de Ribadeo, destacando que se cumpre “a palabra dada polo Goberno de Feijóo”.

 

Daniel Vega salienta, ademais, que o Goberno autonómico con esta actuación completa así outras actuacións anteriores de mellora da seguridade viaria e reforzo localizado do firme nesta estrada autonómica, que comunica as localidades de Reme (Ribadeo) e Vilamar (Barreiros), e nas que a Xunta xa “inxectara” 800.000 euros.