O PP aborda nunha xuntanza os principais retos da comarca da Mariña

Alcaldes, portavoces, deputados, senadores e outros cargos do Partido Popular mariñán traballaron durante a súa xuntanza nas accións a desenvolver en defensa do futuro de Alcoa-San Cibrao

485bd3500990bd01fc3667ecc39a4bfd.jpeg

PP de Lugo | 2019-10-03

3, outubro, 2019. A máxima dirixente do Partido Popular na provincia de Lugo, Elena Candia, presidiu este mércores a reunión da executiva da Mariña na que os populares aproveitaron para revisar os principais temas de interese para a comarca e traballar de cara á vindeira cita electoral do 10-N.

 

Alcaldes, portavoces, deputados, senadores e outros cargos orgánicos do partido traballaron durante a súa xuntanza nas accións a desenvolver en defensa do futuro de Alcoa-San Cibrao. Na xuntanza púxose de manifesto a total sintonía dos representantes dos traballadores e dos alcaldes populares da comarca en canto á urxencia de que sexan adoptadas as medidas políticas necesarias por parte do Goberno central, o único que pode tomalas, para fixar prezos asumibles da enerxía eléctrica para grandes consumidores como é o caso de Alcoa.

 

10-N

Nesta mesma reunión quedou en evidencia que na comarca da Mariña o Partido Popular está a traballar a pleno rendemento para superar con éxito os retos aos que enfronta a provincia. A motivación é moi alta fronte á próxima e decisiva cita electoral do 10-N.