O PP insta a Tomé a adoptar medidas para garantir o normal funcionamento da piscina municipal de Monforte

eebc5a6cdbbd9e0fbd6fe7948b43acf5.jpg

PP de Lugo | 2020-01-10

Os traballadores que se encargan da piscina municipal teñen demostrada a súa profesionalidade e eficiencia. Esta tarde, concentráronse diante das instalacións para reclamar a empresa da que dependen que abone as mensualidades que lles adebeda. Para o PP, é lamentable que o goberno municipal non fixera as xestións adecuadas para que tal retraso nos pagos non se chegara a dar. A portavoz popular no Concello de Monforte, Katy Varela, responsabiliza directamente ao alcalde «a media xornada», José Tomé (PSOE), desa falta de xestión.

Varela insta ao goberno municipal a adoptar medidas para garantir no futuro inmediato o funcionamento con normalidade da piscina, un servizo utilizado a diario por numerosos monfortinos.

Varela asistiu a concentración para expresar o apoio e solidariedade dos populares monfortinos aos traballadores, que teñen un par de meses sen cobrar. Hai que recordar que, en setembro pasado, o pleno municipal tratou a solicitude da empresa encargada da piscina de restablecemento do equilibrio económico do contrato; o alcalde considerou entón que aínda non era o momento de que o Concello tomase cartas no asunto directamente.